Refrain : händ g’meint mir wüssid g’nau wie’s schtoht
händ g’meint mir g’sehnd um was es goht
händ g’meint dass jetz öppis neuis afoht
1 wer kümmeret das überhaupt – was ich jetz do probiere
s’isch jede uf sim eigne trip – was wott ich go husiere
und wenn’t ned di richtigi mode preich’sch – chasch sowiso grad abfahre
lineal- und schublädli-geischt – und mir händ immer no g’meint
dass jetz öppis goht
debii isch’s ke schlächte’n aafang g’sii – vill trottel sind verwachet
händ ihre graui trott verloh – und über d’schturheit g’lachet
die brave lüüt händ g’wätteret – si händ das nie verschtande
mir sind halt es bitzeli z’uusglippt g’sii – jo jo mir händ g’meint
dass jetz öppis goht + Refrain
2 s’business isch ii-g’fahre – so chann das doch ned wiitergoh
wie chönnt mer das lo zahme – wie chönnt mer dere sach bii-choo
und oberschlau händ’s reagiert – s’wird alls i’d mühli manövriert
s’wird alls noch note g’wichst und g’schmiert – und mir händ immer no g’meint
dass jetz öppis goht
jo ganz perfid händ’s do regiert – lönd öis is netz ie laufe
s’isch alls so dure’n organisiert – dass d’revolution chasch chaufe
und wer sich so ned pschiisse loot – isch eifach moskau-g’schtüüret
chaote-g’sindel – lumpepack – und mir händ immer no g’meint
dass jetz öppis goht + Refrain
3 und dass die herre nüüt zuegäh müend – wenn’s d’maschinerie verjagt
händ’s immer di gliiche schprüch parat – s’wird über di lingge g’klagt
mir händ das alls scho mängisch g’seh – im gschichts-buech inn’ schtoht’s au
über friede und rueh und ordnig im land – und mir händ immer no g’meint
dass jetz öppis goht
und die wo das alls jetz z’eifach findid – chönntid sich mol froge
wie wiit si au scho aagfrässe sind – wer isch do scho ganz suuber
wie vili togglid hindedrii – und lönd mit sich lo g’schiire
s’tänke händ’s sch lang uufgäh – und mir händ immer no g’meint
dass jetz öppis goht + Refrain
4 wer kümmeret das überhaupt – wer chönnt’s scho interessiere
s’isch jede uf sim eigne trip – was sell ich do husiere
und wenn’d ned di richtigi mode preich’sch – schtohsch sowiso näb de schuehne
lineal- und schublädli-geischt – und mir händ immer no g’meint
dass jetz öppis goht
und isch das alls ned wiiter schlimm – nur fühlsch dich e chli verlore
verschloht’s der d’schproch und bisch halt schtumm – triffsch eh nur taubi ohre
de bisch halt ned ganz p’bache weisch – de chunnsch hal ned ganz druus
s’händ euis ganz schön schpaziere g’füehrt – und mir händ immer no g’meint
dass jetz öppis goht
+ Refrain